بدويه وكلي فخر
11-20-2006, 02:08 PM
في أيام الحرالمعروف بالكويت
اشتهت أم مناحي كيكه على العصر عشان جلسة شاي العصر بالكويت من الطقوس المفضله والدنيا الحين قايله وشمس تشوي ما ترحم وأم مناحي ماعندها سايق يجيب الأغراض وماهي مقومه أبو العيال لأنها تبي تسويها له مفاجأه والبنات جايين من الجامعه وتعابى وهي من النوع الطيب اللي على سجيته - قالت مافيه غير مناحي اليوم عنده أووف - مناحي عاد موظف في شركة البترول مشغل حقل!! بدوي- انت معاي!! وعادة مناحي يلزم البيت في وقت القايله - الله يعينه مناحي اللي الكل يحبه ويدعي له بالنقل من هالوظيفه الخطره خاصه انه الولد الوحيد لأمه وأبوه - نرجع لأمه - واقفه أمه الحين بالمطبخ وتقول في خاطرها -مافيه غير مناحي يجيب أغراض الكيكه وتصعد الأم لغرقة ولدها وتلقا الباب مردور : مناحي ابوي قوم يالله ياطوايفي - مناحيووه - ويفز مخترع ويشوف الساعه اللي معلقه في غرفته 2:30 بعد الظهر يمه اش فيك عسى ماشر خواتي جومن الجامعه والا ابوي فيه شي - وتطالعه أمه وهي ناقده عليه وتقول باستغراب وأنا لو فيهم شي بقومك جذييه ! قال مناحي وهو مستغرب - ماشاالله عليك يمه اجل لو فيهم شي اسم الله عليهم كنت قلبت سريري علي !
تقاطعه امه يالله مناحي طوايفي انت مافيه وقت -يرد باستغراب زين يمه شنو !
مناحي بسوي كيكه حق شاي العصر مشتهيتها ابوك مايطول بقعدته معانا في العصر بيركض لديوانية الشيبان ربعه - يقاطعها مناحي - حرااام عليك يمه كنك بتقولين ابوي شايب !
تردالأم بدلع وضحكة حيا من ولدها حتى لم يشيب بيصير أحلا شايب -- يالله عاد قوم غسل والبس وجيب الأغراض اللي بالورقه - وترى كتبتها بخط واظح ومفهوم - عجل بروح الكيكه غثيثه شغلها مايخلص براحه -
وصل مناحي الجمعيه بعد ماصفقت خدوده الشمس ويركظ من السياره للداخل - ولسان حاله يقول الله ياحي البراد مشوار صغير من موقف السيارات لي الجمعيه يحترق فيه الواحد من الشمس يالله النجاة من النار - والحين امي وطلباتها ! من وين ابدي يالله من الألبان - ويدز مناحي العربيه بعد ماطلعت له بالزور لين جرها من مجموعة العربيات - وصل لقسم الألبان ويفرح لبراد الثلاجات ويصير يمشي شوي شوي وها بدا مناحي يروق - ويطالع بهالناس ولسان حاله يقول والله شرية أغراض البيت في القايله اريح الجمعيه شبه فاضيه يقدر الواحد يترس عربانته ويروح يحاسب من غير زحمه ووقفة طابور طويل !
وبكل رجوله وجسم حلو يمشي مناحي بين ارفف الجمعيه ويجي قسم الدقيق والمخبوزات - ويشوف شي والا مايشوف ويتخربط وينفص عينه !الا هي على بنت تتلفت خايفه أحد يلمحها تلف شعرها الطويل من تحت الحجاب وتدخله بسرعه خايفه لايكون شافها أحد !
بلاها مادرت بعوينات مناحي بين الرفوف -
وينطلق أول سهم نظرة حب ويغرس في قلب مناحي -- ويهدي بالترولي وشوي شوي يبي يمر بشكل عادي جهة البنت ويشوف وجه راعية الشعرالطويل اللي انهبل عليه وعمره ماشاف شعر بطوله --- ومر وتلاقة العيون وماأدراكم بحديث العيون - ويجي السهم الثاني ويروح فيها مناحي - شعرطويل وبنت زينه هاذي اللي أبيها -
وينسى مناحي طلبات أمه وتصير الورقه مالها داعي ويشوف البنت خذت أغراضها وحاسبت بسرعه وطلعت - ويحذف ورقة الطلبات ويهد مناحي الترولي وراه تمشي بأغراض أمه أو بالأصح جزء من أغراض أمه ويركض ورى البنت ويشوفها ركبت سيارتهم -البنت جايه مع السواق - ويركض لسيارته وماهمه الحر لا ونسى يشغل مكيف السياره -الحب لعب فيه- ويمشي ورا سيارة البنت وهو فرحان وفي قلبه يقول ماخذه أغراضها من جمعيتنا أجل بيتهم قريب ؟
ويعرف بيت البنت -- لم نزلت البنت ودخلت البيت تطمن مناحي وراح يسأل السواق بطريقته المعروف فيها مناحي طيب -حبيب - مسالم - سلام رفيق هذا انت بيت بابا ؟
يرد السايق الهندي بلقافه -اييه بابا اروه انادي بابا ؟
ويرقع قلب مناحي -- لا لا بس موهذا بيت بابا مطلق ؟ ويطلع ذكي مناحي ( الحب عاوز كده )يرد السواق برضوووا ( بالمصري ) بلقافه ويقول -لالا هازا بيت بابا عبدالله محمد عبدالله
هنا عرف مناحي ان السواق خبل وبالمصري ماتتبلش ببؤه فوله - شغل مخه بفكره ذكيه -
طيب انا أذكر هذا بيت بابا مطلق حتى انا فكر هذا بنت نزلت من انت سياره ماما فاطمه !
وكعادته الملقوف - لالا بابا انت غلتان هازي ماما ساره !
ويقعد قلب مناحي ققبقبقب - ايه ماما ساره يشتغل هاذا مدرسه !
يرد الملقوف لالالماما ساره هازا دوام كليه في حولي - والراس يهز ومناحي يهز وانا بعد اهز !
ويطلع مناحي شاطر وياخذ بيانات اللي سحرت قلبه ويأذن العصر ويقول خلاص رفيق مع السلامه - ويركب مناحي سيارته ويحس بحرارتها وبسرعه يبطل الدرايش ويفتح المكيف عشان يطلع الهوا الحار وتفكيره بالبنت ويكلم نفسه - الله ياخذك سواق ان كانك ملقوف بس ولو نفعتني ان الله كتبها لي والله لأخلي ابوها يطردك بس لايكون فيه غيري تعلق ولحق بهالزين وقال له الملقوف مثل اللي قاله لي -انا اخوابوي -- ( يعتزي مناحي )
صلى العصر مناحي بمسجد حارة الزين وراح لبيتهم -
دخل مناحي بيتهم بشعور أول مره يشعر فيه ( لاتستغربون مناحي من شباب الكويت الي يخاف الله في بنات الناس )
ينادي مناحي بصوت عالي مرح ويلحن وهو ينادي أمه اللي طلعت عليه معصبه ! مناحي موحرام عليك أقول لك ابي الكيكه حق شاي العصر والحين اذن المذن وصلت الناس ويوم تباطيتك دقيت عليك لقيتك ناسي جهازك -يعني الحين مافي غير حب وبسكوت مالح أحطه للشاي - والا لأزم كل مره احط كيك جاهز كني ماأعرف أسوي كيك -
مناحي قعد يسترجع ذاكرته -- لأنه كان بحلم -- ايه ابيه الجمعيه الأغراض يمه تكفين سامحيني يمه لوبقول لك اللي صار بتستغربين وبتفرحين -
ترد الأم من غير نفس اخلص علي اش عندك ؟ عقب مانسيت طلبات امك 0
يرد مناحي يمه والله غصبن عني يمه بعوظك بكيكه من باتشي !
ترد الأم الله يخلف علي باتشي مايبيع كيك !خباز راعي الكيك -
يقول مناحي وهوسعيد ويظحك اييه نسيت خباز كيك من خباز -- والله لأعوضك يايمه بس اسمعي اللي صار بالجمعيه - ويسرد لها القصه مناحي والأم يقفز قلبها طربا أخيرا مناحي طلب العرس - ويكمل مناحي السالفه والأم سرحانه تتخيل ولدها معرس- ويوم خلص مناحي سالفته -قالت امه اي والله السايق الملقوف تلوموني يوم أعيي من الصبيان بس تدري يامناحي قصر علينا عنوة الدواره عن اسمها واسم ابوها - ماقال لك شسم امها بعد--ههههه يظحكون ويقولون سايق ملقوف بس نفعنا -
شوف مناحي العرس وانا امك ظروري لك الحين خاصه انك ماشاالله متوظف وراتبك زين خلاص بفاتح ابوك بالموضوع وماهومخالف -- وكم يوم بعد ماتطلع رقم بيتهم من الإستعلامات نكلمهم ونتفق معاهم على يوم نجيهم فيه - ونبين انا سمعنا عنهم وطيبهم وان عندهم بنت سن زواج ونبي نجي نشوف بنتكم وان قالو الله يحييكم فزين على زين وان قالو ماعندنا بنات للعرس فالشكوه لله يالوليدي ان طلعت البنت مخطوبه او متملكه - بس عندي احساس حلو وسع صدرك وانا امك مو صاير الا كل خير -
ويتم الأمر ويكلمون أهل مناحي أهل ساره ويرحبون فيهم ويجي اليوم الي تبي ام مناحي تشوف فيه ساره وتخطبها لمناحي -
كشخت ام مناحي هي وبناتها وتعطرو من البخور الزين والعطورات الزينه ورقص قلب مناحي والأبو يشوف ولده ويتذكر يوم راح يخطب ام مناحي -
وصلوا لبيت ساره -- ومناحي يوصي امه وخواته-- يمه - بنات - انتبهو ماعندي مانع تكمل دراستها وتشتغل وقولوكل شي عني - بعد لاتنسون تقولون اني احب السفر ---
تقاطعه امه -مناحي من غير هذا كله ماتنعاف وانا أمك وابشر بالخير ببيظ وجهك --
دخلت الأم وبناتها ورحبوا فيهم أهل ساره -
وبعد وقت دخلت ساره !!وتنصدم ام مناحي وبناتها! ويقولون انت ساره --- ويتغير وجه ام مناحي وتقول في قلبها معقوله هذي اللي شافها وليدي ليكون دخلنا بيت غلط - قالت ام مناحي موبيت عبدالله محمد عبدالله -؟!
هنيه ام ساره وساره تضايقو وبين على وجوههم ؟!
قالت ام ساره : ومو انت ام مناحي الي كلمتيني بالتلفون تبين تشوفين بنتي ساره ؟
قالت ام مناحي وهي تتلعثم ومبين الصدمه عليها : الا ياام ساره بس ساره الي جيت أخطبها لولدي شعرها طويل! طويل !وبنتك شعرها قصير !
ردت ام ساره بشوية عصبيه مع خوف انه- فشله- ناس ضيوف في بيتي: بنتي ساره طول عمرها شعرها قصير عمرها ما طولته منو اللي ذكرنا لكم وعطاكم عالمعلومه الغلط -
هنا ام مناحي مالقت مفر من الحقيقه - ذكرت لها القصه كامله -
هنا انقلبت ام ساره وساره منفجرين من الضحك - مع شوية حيى تعرفون ولو الجلسه فيها خطبه --- وبعدها صارت ام مناحي وبناتها مستغربين ! شسالفه -- هنا قالت الأم لساره قولي يابنتي اللي صار ذاك اليوم !
قالت ساره بكل خجل وابتسامه : والله ياخالتي ماأدري كيف أبدي بس ذاك اليوم كنت حاطه دهن بشعري ولافته بشيله عشان مايدمرني الدهن وكانت الشيله طويله فيومها طلبت امي أغراض للبيت ولأنه قايله ومافي ناس وايد تروج الجمعيه قلت خلاص ألبس حجابي فوق الشيله و انا بالجمعيه عند قسم الدقيق والمخبوزات طاحت شيلتي علىظهري وتلفت ماابي أحد يشوفني ولميت الشيله ودخلتها تحت حجابي ومادري ان فيه احد شافني ومادري بولدك - وبس هذا اللي صار وهذا طول شعري -
هنا ام مناحي ودها الأرض تنشق وتبلعها هي وبناتها -وفضلت الإستئذان -
هذا مناحي يفتر بالحاره وقلبه يرقع كلمته امه يجي ياخذهم --وطيران ومناحي عندهم -
بس ركبت امه السياره موعارفه شتقول حق ولدها ! ساكته !! والبنات يضحكون على أخوهم ويعلقون بخبث الله ياطول شعرها - يفز قلب مناحي ويقول بكل براءه ؛؛ : فلته لكم شفتوه شفتوا اش طوله --تقاطع الأم بعصبيه بس يابنات الشغل في البيت -
قام يدق قلب مناحي وخاف ياترى اش صار:يمه اش صار!
الأم وهي تحس ان ودها تبكي بس ماتبي يبان شي : لي وصلنا البيت ابوي - ماصار الا كل خير -
روقت ام مناحي ونادت ولدها وقالت له : ياوليدي البنت زينه مثل ماقلت بس شعرها قصير !!
ينط قلب مناحي ويقول بخرعه : قصته !! قصت شعرها !
تقول الأم بطفره من ولدها : لا ماقصته هو شعرها جذيه من سنين البنت عمرها ماطولت شعرها !!
يستغرب مناحي ويقول : أجل ماطلعت اللي شفتها بالجمعيه ؟
ترد الأم وتقول بهدوء : بلى ياوليدي هي -فرح مناحي واستغرب بنفس الوقت !
الأم بحزم وقلبها يقول ياعوينك ياوليدي انااشهد انك ماطلعت على ابوك ذكي -صقر -لماح- ماينقص عليه - يعرف يفرق بين الشيله والشعر- الله يخلف - طالع علي على نياتك !
ام مناحي بحزم وبعمليه : شوف ياوليدي ذاك الشعر اللي شفته ماهو الا شيلة البنت كانت حاطه براسها دهن ولافته بالشيله تحت حجابها عشان الدهن مايدمر حجابها وبس سلامتك - البنت وأهلها مبين سنعين وموالشعرالطويل اللي يزين البنت والحين موحلو شكلنا نهون عشان طلع الشعر شيله - اش تبي الحين نكمل الخطبه ؟؟
أخذ نفس عميق مناحي وقال : لا اش دعوه - خلاص نكمل الخطبه ---
في يوم الملكه طلب مناحي جلسه خاصه مع ساره ----
مناحي بحياء رجولي جميل وبنظرات تختلس كل قطعه من ساره : ساره وين هذيك الشيله اللي كنت لافتها ذاك اليوم ؟؟؟
ساره تضحك منخنقه يالله يالله تتكلم تسأله اش تبي فيها !!
مناحي : باخذها احطها بالتجوري وكل ماجيت انام بلفها على رقبتي -- على فكره سايقكم هذا يبي له طرد - والا تدرين انابسنعه -هههه
( تمت )
تقبلوا تحياتي وسامحوني على التطويل -
شكرا ( بدوي )
لإتاحتك لي مجال بث قصصي وانتظروني بالمزيد
اشتهت أم مناحي كيكه على العصر عشان جلسة شاي العصر بالكويت من الطقوس المفضله والدنيا الحين قايله وشمس تشوي ما ترحم وأم مناحي ماعندها سايق يجيب الأغراض وماهي مقومه أبو العيال لأنها تبي تسويها له مفاجأه والبنات جايين من الجامعه وتعابى وهي من النوع الطيب اللي على سجيته - قالت مافيه غير مناحي اليوم عنده أووف - مناحي عاد موظف في شركة البترول مشغل حقل!! بدوي- انت معاي!! وعادة مناحي يلزم البيت في وقت القايله - الله يعينه مناحي اللي الكل يحبه ويدعي له بالنقل من هالوظيفه الخطره خاصه انه الولد الوحيد لأمه وأبوه - نرجع لأمه - واقفه أمه الحين بالمطبخ وتقول في خاطرها -مافيه غير مناحي يجيب أغراض الكيكه وتصعد الأم لغرقة ولدها وتلقا الباب مردور : مناحي ابوي قوم يالله ياطوايفي - مناحيووه - ويفز مخترع ويشوف الساعه اللي معلقه في غرفته 2:30 بعد الظهر يمه اش فيك عسى ماشر خواتي جومن الجامعه والا ابوي فيه شي - وتطالعه أمه وهي ناقده عليه وتقول باستغراب وأنا لو فيهم شي بقومك جذييه ! قال مناحي وهو مستغرب - ماشاالله عليك يمه اجل لو فيهم شي اسم الله عليهم كنت قلبت سريري علي !
تقاطعه امه يالله مناحي طوايفي انت مافيه وقت -يرد باستغراب زين يمه شنو !
مناحي بسوي كيكه حق شاي العصر مشتهيتها ابوك مايطول بقعدته معانا في العصر بيركض لديوانية الشيبان ربعه - يقاطعها مناحي - حرااام عليك يمه كنك بتقولين ابوي شايب !
تردالأم بدلع وضحكة حيا من ولدها حتى لم يشيب بيصير أحلا شايب -- يالله عاد قوم غسل والبس وجيب الأغراض اللي بالورقه - وترى كتبتها بخط واظح ومفهوم - عجل بروح الكيكه غثيثه شغلها مايخلص براحه -
وصل مناحي الجمعيه بعد ماصفقت خدوده الشمس ويركظ من السياره للداخل - ولسان حاله يقول الله ياحي البراد مشوار صغير من موقف السيارات لي الجمعيه يحترق فيه الواحد من الشمس يالله النجاة من النار - والحين امي وطلباتها ! من وين ابدي يالله من الألبان - ويدز مناحي العربيه بعد ماطلعت له بالزور لين جرها من مجموعة العربيات - وصل لقسم الألبان ويفرح لبراد الثلاجات ويصير يمشي شوي شوي وها بدا مناحي يروق - ويطالع بهالناس ولسان حاله يقول والله شرية أغراض البيت في القايله اريح الجمعيه شبه فاضيه يقدر الواحد يترس عربانته ويروح يحاسب من غير زحمه ووقفة طابور طويل !
وبكل رجوله وجسم حلو يمشي مناحي بين ارفف الجمعيه ويجي قسم الدقيق والمخبوزات - ويشوف شي والا مايشوف ويتخربط وينفص عينه !الا هي على بنت تتلفت خايفه أحد يلمحها تلف شعرها الطويل من تحت الحجاب وتدخله بسرعه خايفه لايكون شافها أحد !
بلاها مادرت بعوينات مناحي بين الرفوف -
وينطلق أول سهم نظرة حب ويغرس في قلب مناحي -- ويهدي بالترولي وشوي شوي يبي يمر بشكل عادي جهة البنت ويشوف وجه راعية الشعرالطويل اللي انهبل عليه وعمره ماشاف شعر بطوله --- ومر وتلاقة العيون وماأدراكم بحديث العيون - ويجي السهم الثاني ويروح فيها مناحي - شعرطويل وبنت زينه هاذي اللي أبيها -
وينسى مناحي طلبات أمه وتصير الورقه مالها داعي ويشوف البنت خذت أغراضها وحاسبت بسرعه وطلعت - ويحذف ورقة الطلبات ويهد مناحي الترولي وراه تمشي بأغراض أمه أو بالأصح جزء من أغراض أمه ويركض ورى البنت ويشوفها ركبت سيارتهم -البنت جايه مع السواق - ويركض لسيارته وماهمه الحر لا ونسى يشغل مكيف السياره -الحب لعب فيه- ويمشي ورا سيارة البنت وهو فرحان وفي قلبه يقول ماخذه أغراضها من جمعيتنا أجل بيتهم قريب ؟
ويعرف بيت البنت -- لم نزلت البنت ودخلت البيت تطمن مناحي وراح يسأل السواق بطريقته المعروف فيها مناحي طيب -حبيب - مسالم - سلام رفيق هذا انت بيت بابا ؟
يرد السايق الهندي بلقافه -اييه بابا اروه انادي بابا ؟
ويرقع قلب مناحي -- لا لا بس موهذا بيت بابا مطلق ؟ ويطلع ذكي مناحي ( الحب عاوز كده )يرد السواق برضوووا ( بالمصري ) بلقافه ويقول -لالا هازا بيت بابا عبدالله محمد عبدالله
هنا عرف مناحي ان السواق خبل وبالمصري ماتتبلش ببؤه فوله - شغل مخه بفكره ذكيه -
طيب انا أذكر هذا بيت بابا مطلق حتى انا فكر هذا بنت نزلت من انت سياره ماما فاطمه !
وكعادته الملقوف - لالا بابا انت غلتان هازي ماما ساره !
ويقعد قلب مناحي ققبقبقب - ايه ماما ساره يشتغل هاذا مدرسه !
يرد الملقوف لالالماما ساره هازا دوام كليه في حولي - والراس يهز ومناحي يهز وانا بعد اهز !
ويطلع مناحي شاطر وياخذ بيانات اللي سحرت قلبه ويأذن العصر ويقول خلاص رفيق مع السلامه - ويركب مناحي سيارته ويحس بحرارتها وبسرعه يبطل الدرايش ويفتح المكيف عشان يطلع الهوا الحار وتفكيره بالبنت ويكلم نفسه - الله ياخذك سواق ان كانك ملقوف بس ولو نفعتني ان الله كتبها لي والله لأخلي ابوها يطردك بس لايكون فيه غيري تعلق ولحق بهالزين وقال له الملقوف مثل اللي قاله لي -انا اخوابوي -- ( يعتزي مناحي )
صلى العصر مناحي بمسجد حارة الزين وراح لبيتهم -
دخل مناحي بيتهم بشعور أول مره يشعر فيه ( لاتستغربون مناحي من شباب الكويت الي يخاف الله في بنات الناس )
ينادي مناحي بصوت عالي مرح ويلحن وهو ينادي أمه اللي طلعت عليه معصبه ! مناحي موحرام عليك أقول لك ابي الكيكه حق شاي العصر والحين اذن المذن وصلت الناس ويوم تباطيتك دقيت عليك لقيتك ناسي جهازك -يعني الحين مافي غير حب وبسكوت مالح أحطه للشاي - والا لأزم كل مره احط كيك جاهز كني ماأعرف أسوي كيك -
مناحي قعد يسترجع ذاكرته -- لأنه كان بحلم -- ايه ابيه الجمعيه الأغراض يمه تكفين سامحيني يمه لوبقول لك اللي صار بتستغربين وبتفرحين -
ترد الأم من غير نفس اخلص علي اش عندك ؟ عقب مانسيت طلبات امك 0
يرد مناحي يمه والله غصبن عني يمه بعوظك بكيكه من باتشي !
ترد الأم الله يخلف علي باتشي مايبيع كيك !خباز راعي الكيك -
يقول مناحي وهوسعيد ويظحك اييه نسيت خباز كيك من خباز -- والله لأعوضك يايمه بس اسمعي اللي صار بالجمعيه - ويسرد لها القصه مناحي والأم يقفز قلبها طربا أخيرا مناحي طلب العرس - ويكمل مناحي السالفه والأم سرحانه تتخيل ولدها معرس- ويوم خلص مناحي سالفته -قالت امه اي والله السايق الملقوف تلوموني يوم أعيي من الصبيان بس تدري يامناحي قصر علينا عنوة الدواره عن اسمها واسم ابوها - ماقال لك شسم امها بعد--ههههه يظحكون ويقولون سايق ملقوف بس نفعنا -
شوف مناحي العرس وانا امك ظروري لك الحين خاصه انك ماشاالله متوظف وراتبك زين خلاص بفاتح ابوك بالموضوع وماهومخالف -- وكم يوم بعد ماتطلع رقم بيتهم من الإستعلامات نكلمهم ونتفق معاهم على يوم نجيهم فيه - ونبين انا سمعنا عنهم وطيبهم وان عندهم بنت سن زواج ونبي نجي نشوف بنتكم وان قالو الله يحييكم فزين على زين وان قالو ماعندنا بنات للعرس فالشكوه لله يالوليدي ان طلعت البنت مخطوبه او متملكه - بس عندي احساس حلو وسع صدرك وانا امك مو صاير الا كل خير -
ويتم الأمر ويكلمون أهل مناحي أهل ساره ويرحبون فيهم ويجي اليوم الي تبي ام مناحي تشوف فيه ساره وتخطبها لمناحي -
كشخت ام مناحي هي وبناتها وتعطرو من البخور الزين والعطورات الزينه ورقص قلب مناحي والأبو يشوف ولده ويتذكر يوم راح يخطب ام مناحي -
وصلوا لبيت ساره -- ومناحي يوصي امه وخواته-- يمه - بنات - انتبهو ماعندي مانع تكمل دراستها وتشتغل وقولوكل شي عني - بعد لاتنسون تقولون اني احب السفر ---
تقاطعه امه -مناحي من غير هذا كله ماتنعاف وانا أمك وابشر بالخير ببيظ وجهك --
دخلت الأم وبناتها ورحبوا فيهم أهل ساره -
وبعد وقت دخلت ساره !!وتنصدم ام مناحي وبناتها! ويقولون انت ساره --- ويتغير وجه ام مناحي وتقول في قلبها معقوله هذي اللي شافها وليدي ليكون دخلنا بيت غلط - قالت ام مناحي موبيت عبدالله محمد عبدالله -؟!
هنيه ام ساره وساره تضايقو وبين على وجوههم ؟!
قالت ام ساره : ومو انت ام مناحي الي كلمتيني بالتلفون تبين تشوفين بنتي ساره ؟
قالت ام مناحي وهي تتلعثم ومبين الصدمه عليها : الا ياام ساره بس ساره الي جيت أخطبها لولدي شعرها طويل! طويل !وبنتك شعرها قصير !
ردت ام ساره بشوية عصبيه مع خوف انه- فشله- ناس ضيوف في بيتي: بنتي ساره طول عمرها شعرها قصير عمرها ما طولته منو اللي ذكرنا لكم وعطاكم عالمعلومه الغلط -
هنا ام مناحي مالقت مفر من الحقيقه - ذكرت لها القصه كامله -
هنا انقلبت ام ساره وساره منفجرين من الضحك - مع شوية حيى تعرفون ولو الجلسه فيها خطبه --- وبعدها صارت ام مناحي وبناتها مستغربين ! شسالفه -- هنا قالت الأم لساره قولي يابنتي اللي صار ذاك اليوم !
قالت ساره بكل خجل وابتسامه : والله ياخالتي ماأدري كيف أبدي بس ذاك اليوم كنت حاطه دهن بشعري ولافته بشيله عشان مايدمرني الدهن وكانت الشيله طويله فيومها طلبت امي أغراض للبيت ولأنه قايله ومافي ناس وايد تروج الجمعيه قلت خلاص ألبس حجابي فوق الشيله و انا بالجمعيه عند قسم الدقيق والمخبوزات طاحت شيلتي علىظهري وتلفت ماابي أحد يشوفني ولميت الشيله ودخلتها تحت حجابي ومادري ان فيه احد شافني ومادري بولدك - وبس هذا اللي صار وهذا طول شعري -
هنا ام مناحي ودها الأرض تنشق وتبلعها هي وبناتها -وفضلت الإستئذان -
هذا مناحي يفتر بالحاره وقلبه يرقع كلمته امه يجي ياخذهم --وطيران ومناحي عندهم -
بس ركبت امه السياره موعارفه شتقول حق ولدها ! ساكته !! والبنات يضحكون على أخوهم ويعلقون بخبث الله ياطول شعرها - يفز قلب مناحي ويقول بكل براءه ؛؛ : فلته لكم شفتوه شفتوا اش طوله --تقاطع الأم بعصبيه بس يابنات الشغل في البيت -
قام يدق قلب مناحي وخاف ياترى اش صار:يمه اش صار!
الأم وهي تحس ان ودها تبكي بس ماتبي يبان شي : لي وصلنا البيت ابوي - ماصار الا كل خير -
روقت ام مناحي ونادت ولدها وقالت له : ياوليدي البنت زينه مثل ماقلت بس شعرها قصير !!
ينط قلب مناحي ويقول بخرعه : قصته !! قصت شعرها !
تقول الأم بطفره من ولدها : لا ماقصته هو شعرها جذيه من سنين البنت عمرها ماطولت شعرها !!
يستغرب مناحي ويقول : أجل ماطلعت اللي شفتها بالجمعيه ؟
ترد الأم وتقول بهدوء : بلى ياوليدي هي -فرح مناحي واستغرب بنفس الوقت !
الأم بحزم وقلبها يقول ياعوينك ياوليدي انااشهد انك ماطلعت على ابوك ذكي -صقر -لماح- ماينقص عليه - يعرف يفرق بين الشيله والشعر- الله يخلف - طالع علي على نياتك !
ام مناحي بحزم وبعمليه : شوف ياوليدي ذاك الشعر اللي شفته ماهو الا شيلة البنت كانت حاطه براسها دهن ولافته بالشيله تحت حجابها عشان الدهن مايدمر حجابها وبس سلامتك - البنت وأهلها مبين سنعين وموالشعرالطويل اللي يزين البنت والحين موحلو شكلنا نهون عشان طلع الشعر شيله - اش تبي الحين نكمل الخطبه ؟؟
أخذ نفس عميق مناحي وقال : لا اش دعوه - خلاص نكمل الخطبه ---
في يوم الملكه طلب مناحي جلسه خاصه مع ساره ----
مناحي بحياء رجولي جميل وبنظرات تختلس كل قطعه من ساره : ساره وين هذيك الشيله اللي كنت لافتها ذاك اليوم ؟؟؟
ساره تضحك منخنقه يالله يالله تتكلم تسأله اش تبي فيها !!
مناحي : باخذها احطها بالتجوري وكل ماجيت انام بلفها على رقبتي -- على فكره سايقكم هذا يبي له طرد - والا تدرين انابسنعه -هههه
( تمت )
تقبلوا تحياتي وسامحوني على التطويل -
شكرا ( بدوي )
لإتاحتك لي مجال بث قصصي وانتظروني بالمزيد