بدويه وكلي فخر
05-13-2007, 07:53 AM
أحب أكون أنا بطلة روايتي حتى أبعد من كلمة ممكن أسمعها من المقربين لي ... انتي تقصديني ؟
كذلك أعشق دمج الواقع بخيال يغني القصة ويجعلها شيقة وجزلة..
أهدي روايتي لكل من تروقه وتنال اعجابه ويشعر كأنه يرى فيلم ملون جميل بموسيقى تصويرية ...
استعدوا ابتدأ العرض ..
( الفصل الأول )
( الرياض - ال8 مساء فندق الفيصلية)
بدوية بحماس وصوت نشيط وحبتين عالي: يالله حبايبي اللي خلص وجبته
بسرعة الغزالة يفرش اسنانه ويلبس الملابس اللي جايبها اللوندري
( بنبرة تهديد رقيقة ) المكويه المريحة الكشخة ,
والا ترى ماعاد نسافر فيكم أنا وابوكم اذا قمتو تتفلسفون علينا بملابسكم !
عصام: وفري على نفسك لاتهقين بسافر فيك من غير عيالي ( وغمزة ساخره )
بدوية وكلها استسلام وشر مبطن: شور قلبي أجل عمرك شفت واحد
كويتي يسافر لباريس من الرياض
( تحس بدويه انها ردت اعتبارها شوي لنفسها)
عصام : انتي عارفة انا مالقينا حجز بالكويت والرحلة ضروريه واحمدي
ربك اني فكرت فيكم ما قلت أسافر بروحي وأخليكم بالكويت وحرها ورطوبتها !
والا حلو اني أدفع تذاكر سفره للرياض ناقصين مصاريف مالها داعي وأكثر من هذا حجزت لكم بالفيصلية أحسن فنادق الرياض ؟
( يقولها بعتب وهدوء عشان يأنبني ظميري ونجح بهالشي )
بدويه وشعور بالخجل : اوكي قلبي ترى ربع ساعة ونكون خالصين والشنط أنا توني مكلمة الروم سيرفس وأكيد الحمال بالطريق ألحين .
( في مطار الملك خالد )
بدويه منزعجة تخاطب عيالها الأربع اللي ولا واحد يشبه الثاني : أنا قايله لكم بجلس يم بابا واللي يحبني ويبيني أجلس يمه يقعد مؤدب طول الرحلة وببادل كل واحد فيكم مكانه لين نوصل باريس والا ترى نخليكم آخر كراسي في الطيارة .
الصغير بنظرة خوف : يمه ابي حفنك ( حظنك )
الكبير وكله نشاط وحماس : يمه ترى أنا حليت يم الدريشة .
تقاطعه اخته الكبيرة بتسلط : أنا أختكم الكبيرة والأولوية لي في المكان ( يعني تبي الدريشة)
الصغيرة بكل دلع ومياعة : صح يمه انا اللي بقعد يمج ؟ ( بنت امها وايد واثقه )
وبكل هدوء وطريقة تغيظهم لايطيقونها !
بدوية : مثل كل مرة نسافر فيها كل واحد فينا يجلس بالمكان المخصص له في البوردنج ( واسوي نفسي مشغوله بشنطتي يعني ما اسمع احتجاجهم ) يعني كل واحد فينا وحظه والا تدرون بركب في كبينة الطيار وأقوله لو سمحت ودني للكويت خلاص ماأبي أسافر لباريس ومابي أروح ليورودزني .
وبسرعة البرق الكل سنع جلسته وكلهم بصوت واحد
عيال بدويه : خلاص يمه نجلس مؤدبين .
وكل واحد فيهم يلم الثاني من الفرحة ويقول ( الله بنروح لدزني )
تكاتفوا مع بعض وصار الوئام والحب والرضى بجلوسهم مع بعض أحسن حل وأعلنوا الهدنه .
( في الطيارة )
اللمبات مسكرة والكل تقريبا نيام والساعة الآن 2 الفجر وزعوا علينا البطانيات وشنط فيها شرابات النوم ونظارة نوم وأشياء كثيرة ومخاد .
بيني وبين نفسي : يارب لك الحمد والله الطيران السعودي مريح وحلو والحمدلله ان عيالي متعشين ونظيفين ومرتاحين ونايمين الحين هذا أحسن وقت اسولف فيه مع الحلو اللي جنبي .
بدويه : اش رايك الحين بكاسة شاي تنسيني الغزو الباكستاني اللي في شفته في مطار الملك خالد ياخي شكل الرياض بتصير مستعمرة باكستانية شفت اشلون يخرعون ووايد ؟!
عصام : سبحان الله ما تخلين عوايدك شكلي ماخذ بريطانيه لازم الحين!
بدويه : جدامنا أكثر من أربع ساعات وأحس ابي شاي .
عصام : فعلا كني بديت أحس اني ابي نسكفيه .
بدويه : سبحان الله ماتخلي عوايدك شكلي متزوجه أمريكي!
( نظحك مع بعض واحنا نشعر انا نوعا ما ارتحنا من ضغط اليوم كله )
بيني وبين نفسي : الله يعين على مطار شارل ديجول وخياسه صحيح الفرنسيين عمليين ومايعطلون المسافرين في تختيم جوازاتهم بس سير الشنط بيحللنا عدل والساعة بتصير ساعتين لا بعد هالمرة مسافرين بكل عيالنا شكل السفرة بتطلع من خشومهم .
وأنا أتصفح برامج أفلام الرحلة على شاشة صغيرة مثبتة على طرف الكرسي واذا بهذا الرجل الطويل ذو الملامح الكشميريةالجميلة أو الأفغانية
وأنا أفكر به وأقول ياترى هذا كنه من العمال الذين سبق وأن تعاملت معهم في تصميم الأثاث بالرياض أثناء شراكه مؤقتة مع شركة سعودية لتصميم الأثاث !! والا هذا من المهندسين الإيرانيين ...لالا هذا الوجه موغريب علي بس وين شفته ؟؟
وصل طويل العمر بعد وقت شوي طويل والكاسات في يده ويمشي بحذر
عصام : ماعرفت اللي مر عليك من شوي ؟
بدويه : والله اني أقول هذا شكله من العمال الهنود اللي اشتغلوا معاي بالرياض تذكر يوم نجي الرياض سنة ... ها اش فيك ليش تضحك ؟
ويضحك طويل العمر..
عصام : لاوالله خوش ياسلام عليك يابدويه ! الحين اللي مر علينا من شوي هذا يصير من عمالك اللي بالرياض ؟ والا عشانك طايره من الرياض خلاص اعتفست ذاكرتك ؟
أضحك معاه وانا شوي مستغربة
بدويه : مايخالف قلبي تعرف الهارد وير صاير يمسح وايد عندي وشوي يبي له فورمات منك انت وعيالك ! عفيه منو هذا اللي مر يمنا والله وجهه شايفته مو غريب علي منو؟
عصام : هذا ياحلوة يامستودع ذاكرتي اذا نسيت
(بدويه تقول في نفسها: بدا يتطنز وشكلها بتخرب الرحله من أولها )
هذا الأمير سعود بن عبدالله الشاعر اللي دايما يطلع بالتلفزيون ويسوي امسيات شعريه في الكويت .
بدويه : ايه صح تذكرت وأنا أقول لك هذا الوجه مار علي بس تصدق الرجال اسمر عبالي هندي وهو بالتلفزيون ابيض ّ
عصام : حرام عليك اللمبات مطفيه أكيد بتشوفينه هندي اسمر يالله اشربي شايك ولاتقولين هالسالفه لخواتك لاتصيرين نكتة الصيف لا بعد غلطه مثل كذا الا بتصيرين العمر كله نكته ( سعود بن عبدالله الأمير الشاعر هندي عند بدويه ينفذ تصاميمها )
بدويه ميته من الضحك تتخيل الأمير الشاعر يطق لها الكراسي بالمسامير وينشر لها الخشب ويخيط ستايرها هههههههه ياسلام .
( مطار شارل ديجول )
وصلنا ولله الحمد ومن خلال صالات الوصول مترنا نفق تحت الأرض متعوج المسار طالع نازل به سير أرضي للمسافرين .
وصلنا عند كاونتر الجوازات واذا بالزحمة وفي كل مكان لازم نلقى مسؤول للشخصيات المهمة واذا بهذا الطويل الرشيق يسير بين الصفوف يحمل طفله الصغير ذو الخمسة أشهر تقريبا ويسير بأبنائه وزوجته وابنته !!
آآآه هذه ابنته اذن الله يحفضها تقريبا عمرها 8سنوات عندما سقط منها المصحف وهي في الطائرة بالمقعد الذي مقعدي يليه حملته بسرعة وقبلته وضمته على صدرها
كانت جميله ردت فعلها التي تبين نوع تربيتها واهتمامها بالقرآن الكريم وحرصها على دينها ولم لا وهي بنت الأمير الشاعر الوسيم
( سعود بن عبدالله )
هنا تعمدت البس النظارة السوداء واتفحص الأمير واشوفه زين !! مو كل سفرة بنشوف فيها أمير شاعر مشهور !!
لا أنا شكلي بصير أسافر على الطيران السعودي يمكن أشوف أمراء ثانين
والله الطيران السعودي كشخة وانا أحب الكشخة .
ويسلم الأمير سعود بن عبدالله على أمير وأميره وأستانس وأقول حق عصام بكل ثقة !!
بدوية : عصام فكرت بس احنا الأمراء الوحيدين على الطيارة أثاري الطيارة مليانه بأمراء غيرنا !! ( ياحلو تدليع النفس أنا بغير لقبي من الشيخة الى الأميره , كا أمير البحرين مرة وحدة صاحب الجلالة الملك )
راح الأمير وموكبه والأمراء الثانين وجاء دوري وأنا ... عالم آخر ..
نسيت النظارة على عيني وموضف الجوازات يشير لي بأن أنزع النظارة وأنا لازلت سارحة بأفكاري اللي كنها بدت تصير شوي أفكار مراهقة لأني واضح غرت من زوجة الأمير سعود وصرت أقول في نفسي ياترى لو شافني قبلها ... وآخذ حركة سريعة على زندي وبنتي تقول ...
بدوية الصغيرة : يمه يقول شيلي نظارتك يبي يطابق الصورة .
ولو في خاطري شي يقول ياشين العجلة وسبحان الله عمري ماشفت مزيون الا مرته عاديه وأقل من عادية ( بدت بدويه شر ) لكن ماتقدر بدويه الشر يخوفها اذا سايرته ما يتوالمون بدويه والشر .
ولو هالبنت الصغيرة المتربية على حب الله ودينها أكيد أمها تستاهل واحد مثل الأمير سعود بن عبدالله الله لايغير عليهم ولا يفرقهم عائله طيبة .
يضحك لي من بعيد عصام وبلغة العيون فهمته !! كانت عيونه تقول
( اش فيج تنحت عند ختم الجوازات نسيتي سير الشنط اللي يسبب لك قلق)
العيال مع ابوهم والبنات مع امهم قاعدة لاتقبل التغيير في كل مجتمع خليجي .
وعند سير الشنط يبدوا الأمير وعائلته وهنا تغيرت نظرتي كليا ...
كل منا لديها أميرها وفارس أحلامها وغمرني شعور جميل انا بمدينة الرومانسية والجمال لن أضيعها على تفاهات وزعل وماضيعت وقتي بهالخرابيط في ديرتي عشان أضيعها في باريس .
فنظرت الى عصام وهو يحمل شنطتي فشعرت بغصه فركضت له وقلت ..
بدويه :( بالفرنسي) مسيو اسام جوتيم , ( وبالمصري ) اساعدك ياباشا ؟
عصام : تو الناس ! تأكدي من الشنط مافيها جنطه ناقصة ؟
بيني وبين نفسي أحب زفاته لم تكون لاذعة شوي تسوي آكشن بحياتنا نوعا ما ..
وتصرخ ابنتي الصغري
بدويه العنونة : ايلي يما ايلي يأشر لنا الله الحين بتشوفون ايلي بيمشينا واللي بيتعب فينا بيشيله ( واثقة نست أوزان اخوانها ). وتسبقنا واخوتها اليه وتعرف ايلي على أخوانها لأنها تعرفه قبلهم ونالت شرف زيارة باريس قبل اخوانها يعني راح تتدلع على اخوانها وتبين انها تعرف كل مكان في باريس .
اقتربت واذا به فعلا ايلي اللبناني القائم بأشغالنا في باريس فرحت بشوفته لأن الرجال يكرف كراف ويتحمل كل المسؤولية بما فيها الترجمة .
( ضحكنا من قلب أنا وعصام عندما سمعت ابني الكبير يقول لأخته الصغيرة )
ولد ابوه : شوفي لا تقعدين تتدلعين علينا وتسوين نفسك فاهمه كل شي ولاأشوفك تحبين هالأقرع سلمي عليه من غير حركات يهال .
انتهى الفصل الأول
كذلك أعشق دمج الواقع بخيال يغني القصة ويجعلها شيقة وجزلة..
أهدي روايتي لكل من تروقه وتنال اعجابه ويشعر كأنه يرى فيلم ملون جميل بموسيقى تصويرية ...
استعدوا ابتدأ العرض ..
( الفصل الأول )
( الرياض - ال8 مساء فندق الفيصلية)
بدوية بحماس وصوت نشيط وحبتين عالي: يالله حبايبي اللي خلص وجبته
بسرعة الغزالة يفرش اسنانه ويلبس الملابس اللي جايبها اللوندري
( بنبرة تهديد رقيقة ) المكويه المريحة الكشخة ,
والا ترى ماعاد نسافر فيكم أنا وابوكم اذا قمتو تتفلسفون علينا بملابسكم !
عصام: وفري على نفسك لاتهقين بسافر فيك من غير عيالي ( وغمزة ساخره )
بدوية وكلها استسلام وشر مبطن: شور قلبي أجل عمرك شفت واحد
كويتي يسافر لباريس من الرياض
( تحس بدويه انها ردت اعتبارها شوي لنفسها)
عصام : انتي عارفة انا مالقينا حجز بالكويت والرحلة ضروريه واحمدي
ربك اني فكرت فيكم ما قلت أسافر بروحي وأخليكم بالكويت وحرها ورطوبتها !
والا حلو اني أدفع تذاكر سفره للرياض ناقصين مصاريف مالها داعي وأكثر من هذا حجزت لكم بالفيصلية أحسن فنادق الرياض ؟
( يقولها بعتب وهدوء عشان يأنبني ظميري ونجح بهالشي )
بدويه وشعور بالخجل : اوكي قلبي ترى ربع ساعة ونكون خالصين والشنط أنا توني مكلمة الروم سيرفس وأكيد الحمال بالطريق ألحين .
( في مطار الملك خالد )
بدويه منزعجة تخاطب عيالها الأربع اللي ولا واحد يشبه الثاني : أنا قايله لكم بجلس يم بابا واللي يحبني ويبيني أجلس يمه يقعد مؤدب طول الرحلة وببادل كل واحد فيكم مكانه لين نوصل باريس والا ترى نخليكم آخر كراسي في الطيارة .
الصغير بنظرة خوف : يمه ابي حفنك ( حظنك )
الكبير وكله نشاط وحماس : يمه ترى أنا حليت يم الدريشة .
تقاطعه اخته الكبيرة بتسلط : أنا أختكم الكبيرة والأولوية لي في المكان ( يعني تبي الدريشة)
الصغيرة بكل دلع ومياعة : صح يمه انا اللي بقعد يمج ؟ ( بنت امها وايد واثقه )
وبكل هدوء وطريقة تغيظهم لايطيقونها !
بدوية : مثل كل مرة نسافر فيها كل واحد فينا يجلس بالمكان المخصص له في البوردنج ( واسوي نفسي مشغوله بشنطتي يعني ما اسمع احتجاجهم ) يعني كل واحد فينا وحظه والا تدرون بركب في كبينة الطيار وأقوله لو سمحت ودني للكويت خلاص ماأبي أسافر لباريس ومابي أروح ليورودزني .
وبسرعة البرق الكل سنع جلسته وكلهم بصوت واحد
عيال بدويه : خلاص يمه نجلس مؤدبين .
وكل واحد فيهم يلم الثاني من الفرحة ويقول ( الله بنروح لدزني )
تكاتفوا مع بعض وصار الوئام والحب والرضى بجلوسهم مع بعض أحسن حل وأعلنوا الهدنه .
( في الطيارة )
اللمبات مسكرة والكل تقريبا نيام والساعة الآن 2 الفجر وزعوا علينا البطانيات وشنط فيها شرابات النوم ونظارة نوم وأشياء كثيرة ومخاد .
بيني وبين نفسي : يارب لك الحمد والله الطيران السعودي مريح وحلو والحمدلله ان عيالي متعشين ونظيفين ومرتاحين ونايمين الحين هذا أحسن وقت اسولف فيه مع الحلو اللي جنبي .
بدويه : اش رايك الحين بكاسة شاي تنسيني الغزو الباكستاني اللي في شفته في مطار الملك خالد ياخي شكل الرياض بتصير مستعمرة باكستانية شفت اشلون يخرعون ووايد ؟!
عصام : سبحان الله ما تخلين عوايدك شكلي ماخذ بريطانيه لازم الحين!
بدويه : جدامنا أكثر من أربع ساعات وأحس ابي شاي .
عصام : فعلا كني بديت أحس اني ابي نسكفيه .
بدويه : سبحان الله ماتخلي عوايدك شكلي متزوجه أمريكي!
( نظحك مع بعض واحنا نشعر انا نوعا ما ارتحنا من ضغط اليوم كله )
بيني وبين نفسي : الله يعين على مطار شارل ديجول وخياسه صحيح الفرنسيين عمليين ومايعطلون المسافرين في تختيم جوازاتهم بس سير الشنط بيحللنا عدل والساعة بتصير ساعتين لا بعد هالمرة مسافرين بكل عيالنا شكل السفرة بتطلع من خشومهم .
وأنا أتصفح برامج أفلام الرحلة على شاشة صغيرة مثبتة على طرف الكرسي واذا بهذا الرجل الطويل ذو الملامح الكشميريةالجميلة أو الأفغانية
وأنا أفكر به وأقول ياترى هذا كنه من العمال الذين سبق وأن تعاملت معهم في تصميم الأثاث بالرياض أثناء شراكه مؤقتة مع شركة سعودية لتصميم الأثاث !! والا هذا من المهندسين الإيرانيين ...لالا هذا الوجه موغريب علي بس وين شفته ؟؟
وصل طويل العمر بعد وقت شوي طويل والكاسات في يده ويمشي بحذر
عصام : ماعرفت اللي مر عليك من شوي ؟
بدويه : والله اني أقول هذا شكله من العمال الهنود اللي اشتغلوا معاي بالرياض تذكر يوم نجي الرياض سنة ... ها اش فيك ليش تضحك ؟
ويضحك طويل العمر..
عصام : لاوالله خوش ياسلام عليك يابدويه ! الحين اللي مر علينا من شوي هذا يصير من عمالك اللي بالرياض ؟ والا عشانك طايره من الرياض خلاص اعتفست ذاكرتك ؟
أضحك معاه وانا شوي مستغربة
بدويه : مايخالف قلبي تعرف الهارد وير صاير يمسح وايد عندي وشوي يبي له فورمات منك انت وعيالك ! عفيه منو هذا اللي مر يمنا والله وجهه شايفته مو غريب علي منو؟
عصام : هذا ياحلوة يامستودع ذاكرتي اذا نسيت
(بدويه تقول في نفسها: بدا يتطنز وشكلها بتخرب الرحله من أولها )
هذا الأمير سعود بن عبدالله الشاعر اللي دايما يطلع بالتلفزيون ويسوي امسيات شعريه في الكويت .
بدويه : ايه صح تذكرت وأنا أقول لك هذا الوجه مار علي بس تصدق الرجال اسمر عبالي هندي وهو بالتلفزيون ابيض ّ
عصام : حرام عليك اللمبات مطفيه أكيد بتشوفينه هندي اسمر يالله اشربي شايك ولاتقولين هالسالفه لخواتك لاتصيرين نكتة الصيف لا بعد غلطه مثل كذا الا بتصيرين العمر كله نكته ( سعود بن عبدالله الأمير الشاعر هندي عند بدويه ينفذ تصاميمها )
بدويه ميته من الضحك تتخيل الأمير الشاعر يطق لها الكراسي بالمسامير وينشر لها الخشب ويخيط ستايرها هههههههه ياسلام .
( مطار شارل ديجول )
وصلنا ولله الحمد ومن خلال صالات الوصول مترنا نفق تحت الأرض متعوج المسار طالع نازل به سير أرضي للمسافرين .
وصلنا عند كاونتر الجوازات واذا بالزحمة وفي كل مكان لازم نلقى مسؤول للشخصيات المهمة واذا بهذا الطويل الرشيق يسير بين الصفوف يحمل طفله الصغير ذو الخمسة أشهر تقريبا ويسير بأبنائه وزوجته وابنته !!
آآآه هذه ابنته اذن الله يحفضها تقريبا عمرها 8سنوات عندما سقط منها المصحف وهي في الطائرة بالمقعد الذي مقعدي يليه حملته بسرعة وقبلته وضمته على صدرها
كانت جميله ردت فعلها التي تبين نوع تربيتها واهتمامها بالقرآن الكريم وحرصها على دينها ولم لا وهي بنت الأمير الشاعر الوسيم
( سعود بن عبدالله )
هنا تعمدت البس النظارة السوداء واتفحص الأمير واشوفه زين !! مو كل سفرة بنشوف فيها أمير شاعر مشهور !!
لا أنا شكلي بصير أسافر على الطيران السعودي يمكن أشوف أمراء ثانين
والله الطيران السعودي كشخة وانا أحب الكشخة .
ويسلم الأمير سعود بن عبدالله على أمير وأميره وأستانس وأقول حق عصام بكل ثقة !!
بدوية : عصام فكرت بس احنا الأمراء الوحيدين على الطيارة أثاري الطيارة مليانه بأمراء غيرنا !! ( ياحلو تدليع النفس أنا بغير لقبي من الشيخة الى الأميره , كا أمير البحرين مرة وحدة صاحب الجلالة الملك )
راح الأمير وموكبه والأمراء الثانين وجاء دوري وأنا ... عالم آخر ..
نسيت النظارة على عيني وموضف الجوازات يشير لي بأن أنزع النظارة وأنا لازلت سارحة بأفكاري اللي كنها بدت تصير شوي أفكار مراهقة لأني واضح غرت من زوجة الأمير سعود وصرت أقول في نفسي ياترى لو شافني قبلها ... وآخذ حركة سريعة على زندي وبنتي تقول ...
بدوية الصغيرة : يمه يقول شيلي نظارتك يبي يطابق الصورة .
ولو في خاطري شي يقول ياشين العجلة وسبحان الله عمري ماشفت مزيون الا مرته عاديه وأقل من عادية ( بدت بدويه شر ) لكن ماتقدر بدويه الشر يخوفها اذا سايرته ما يتوالمون بدويه والشر .
ولو هالبنت الصغيرة المتربية على حب الله ودينها أكيد أمها تستاهل واحد مثل الأمير سعود بن عبدالله الله لايغير عليهم ولا يفرقهم عائله طيبة .
يضحك لي من بعيد عصام وبلغة العيون فهمته !! كانت عيونه تقول
( اش فيج تنحت عند ختم الجوازات نسيتي سير الشنط اللي يسبب لك قلق)
العيال مع ابوهم والبنات مع امهم قاعدة لاتقبل التغيير في كل مجتمع خليجي .
وعند سير الشنط يبدوا الأمير وعائلته وهنا تغيرت نظرتي كليا ...
كل منا لديها أميرها وفارس أحلامها وغمرني شعور جميل انا بمدينة الرومانسية والجمال لن أضيعها على تفاهات وزعل وماضيعت وقتي بهالخرابيط في ديرتي عشان أضيعها في باريس .
فنظرت الى عصام وهو يحمل شنطتي فشعرت بغصه فركضت له وقلت ..
بدويه :( بالفرنسي) مسيو اسام جوتيم , ( وبالمصري ) اساعدك ياباشا ؟
عصام : تو الناس ! تأكدي من الشنط مافيها جنطه ناقصة ؟
بيني وبين نفسي أحب زفاته لم تكون لاذعة شوي تسوي آكشن بحياتنا نوعا ما ..
وتصرخ ابنتي الصغري
بدويه العنونة : ايلي يما ايلي يأشر لنا الله الحين بتشوفون ايلي بيمشينا واللي بيتعب فينا بيشيله ( واثقة نست أوزان اخوانها ). وتسبقنا واخوتها اليه وتعرف ايلي على أخوانها لأنها تعرفه قبلهم ونالت شرف زيارة باريس قبل اخوانها يعني راح تتدلع على اخوانها وتبين انها تعرف كل مكان في باريس .
اقتربت واذا به فعلا ايلي اللبناني القائم بأشغالنا في باريس فرحت بشوفته لأن الرجال يكرف كراف ويتحمل كل المسؤولية بما فيها الترجمة .
( ضحكنا من قلب أنا وعصام عندما سمعت ابني الكبير يقول لأخته الصغيرة )
ولد ابوه : شوفي لا تقعدين تتدلعين علينا وتسوين نفسك فاهمه كل شي ولاأشوفك تحبين هالأقرع سلمي عليه من غير حركات يهال .
انتهى الفصل الأول