... كلمــات عجيبه غريبه ... اعرف معناها..

[إحســـــــاس]

لعبة جديده
قريتها في احد المنتديات
وحبيت انقلها لكم مع التعديل وهي :
.
لعبه ثقاااااافيه << !!! أخسس
فيه تعاااااااارف
بين الشعوب و القبائل<< قلبت مدرسة جغرافيااا !!
المهم السالفه وما فيها
أن فيه كلمات عجيبه غريبه تطلع عند كل عائله ،،
هي ممكن تكون معروفه عندهم
بس الناس الثانيه تستنكر بعض الكلمات ( يعني اللهجاااات) ..
فهمتوا شيء ؟ \;)
...........
طيب ناخذ مثال << هالمره نحو !!
كلمة نافذه
في ناس يقولون ( دريشه)
و ناس تقول (شباك)
وفيه ناس تقول (طاقه)
.
طيب طريقة اللعبه كالتالي :
كل واحد يحط
كلمة يشوف أنها ممكن تكون غريبه عالأعضاء
و يتحداهم فيها
واللي يجيب معناها يحط كلمة من عندهـ ..
وإذا مر 4ردود كلها غلط ( يعني محد جاب المعنى الصحيح) يقول صاحب الكلمه معناها ...
ويحط غيره كلمه ثااانيه .... وهكــــــــذااا
أتمــــــنى أن تكوووووووون اللعبه واضحه و تحووووز على رضاكمـ
:thumbup[1]:

[إحســـــــاس]

وانا ببدا
.
واقولـ

باغــــه
.
.

[الخـــــيَــــــال]

مشكوره أختي غلى التجديد..

و باغه يعني كيس نايلوون...
...
واذا اجابتي صحيحه عطوني معنى
انفيسه..

[إحســـــــاس]

انفيسه

اذا كانت عربيه فصحى يعني

باهضة الثمن ..
.
.
واذا كانت غير
فانا ما ادري
:21-gif[1]:

[الخـــــيَــــــال]

للاسف غلط

[إحســـــــاس]

:21-gif[1]:

[بدوي]

السلام عليكم زميعا

مشكوووره خيتي احساس على اللعبه اللي تعرفنا ببعض المصطلحات

هلووووو خياااالوووووو

والله انك انفيسه

هع هع هع هع

من وين جايبها انت وراصك

غوباروووووو

انفيسه..= زعوووول

طيب عطوني معنى

ادنى ما جابه

بسرررررررررررعه

[إحســـــــاس]

<<< جابت العيد لنفسها..
:doh[1]:

[إحســـــــاس]

يعني

يزعل من اي شي بسيط
.
.
اتوقع انها سذا
.
.
.
.
بناجــل

بسررررررررررررررررررعه

[بدوي]

بناجل هي اللي يسمونها ناس بناجر والبناجر

هي المعاضد والمعاضد هي الاساور

الصفره وش معناها

[إحســـــــاس]

الصفره هي المسيان
والمسيان هو الوقت اللي قبل
دخول الظلام قبل المغرب
.
.
.
خماخم

[بدوي]

خماخم يعني هدووووم

اذا صح

مامعنى هتول

[السلطان]

اواعي ..



معنى وقش

[الخـــــيَــــــال]

هلاابك بدوي
عندك غلط بدوي خماخم يعني عشارق هههههههه قديم اللي هو حلق الأذن.
السلطان كيف الحال ان شالله بخير..
وقش وحسب علمي...
حشارت صغيره وتطلق على الناس دون المستوى... حشاكم..
اذا كان جوابي صحيح ..ما معنى.. اسحله..هههههههههه
دايه طايحه في البر ومعفطه..ههههههههه

[السلطان]

هلا بك الخيال


وحياك سحله طال عمرك هذا معناها فاغر ههههههههههههههههههه



طيب معنى


صحَيح

[الخـــــيَــــــال]

السلطان ااأسف لاااااااااا

هذا ونا كاتب انها دايم معفطه .........

[إحســـــــاس]

اسحله ?? :thinking[1]:

[السلطان]

يا ابن الحلال طاسه ماء طاسه لبن داعسها شاص


معنى صحَيح

[إحســـــــاس]

:hypnotized[1]:

[بررق الشماال]

:hypnotized[1]:

[بدوي]

سحله=طاسه=باديه=اناء يوضع به الماء او الحليب او اللبن

مطعوجه لأن الناقه داعستها وهي ما تدري لبا قلبها


فسقان

[إحســـــــاس]

يعني

اخلاقه شينه ... على حسب معلوماتي ..
.
.
.
خلاقين

[السلطان]

فسقان = متعافي ينطح الشبوك


خلاقين = هدوم ملابس اواعي

[إحســـــــاس]

:thumbup[1]:

السلطان

إذا تحمست في الاجابه

حط الخيارات ...;)
.
.
داهيه

[إحســـــــاس]

:angel_innocent[1]:

[بدوي]

داهيه = فائق الذكاء

داهيه = مصيبه <<----- باللهجه المصريه حوديك في ستين داهيه

سقها

[إحســـــــاس]

:40[1]:
سقها يعني

معك رخصه ؟؟ سقها
هههههههههههههه

بمعني ازحف .. او امش او الي هي ...
.
.
.
يخورها او تخورها

[بدوي]

يعني يخاف ويجيب كل اللي عنده من علوووم


طنا

[إحســـــــاس]

؟؟؟؟؟؟؟

[بدوي]

برضو طنااا يا ؟؟؟؟؟؟؟
:harhar[1]:

[إحســـــــاس]

برضو
؟؟؟؟؟؟

[السلطان]

؟؟؟؟؟؟

[إحســـــــاس]

:icon9[1]:

حلها يابدوي .. وش معناتها

[السلطان]

تعليق ؟؟؟

[بدوي]

طنا= زعل = غضب

يقول الشاعر حنا الطنايا لا طنينا طنينا

والطنايا هم السناعيس والسناعيس هم قبيله شماليه

سموهم بالطنايا من شدة زعلهم وزعلهم شين لانه طويل الاجل

الكلمه الجديده

(توحي)

[إحســـــــاس]

الطنايا لا طنينا طنينا
عليه شعر .....
:roflmao[1]:

.
.
توحي
يعني .. فهمت .. او استوعبت ..

على ما اظن.......
.
.
.
.
فلعـه ....

[بدوي]

توحي = تسمع

فلعه = فلقه= فقعة راس

يقول المثل جهز الدوا قبل الفلعه

يعني حضر الدواء قبل الجرح ( جرح الرأس)

(غبشنا)

[إحســـــــاس]

الدوا قبل الفلعه
.
.
.
غبشنا .. يعني اصبحنا ...
.
.
.
سرينا

[بدوي]

يعني رحنا في المساء

سرحنا

[إحســـــــاس]

سرحنا ..

يعني سرحنا بالغنم ...

صح ...
.
.
زلحط ..

[بدوي]

زلحط يعني زحلق او صرّف او مشّاها

صح ولا لا

[إحســـــــاس]

صح ....
.
.
بدوي كلمه وينها

ارررررررررجع

[بدوي]

ارجع وين

طيب ابي معنى

غبوووق

[إحســـــــاس]

كلماتك صعبه
.
.
.
بسعل وارجع

[إحســـــــاس]

يقولون البدو اغتبق يعني
اشرب حليب خلفات وقت المغرب....
ويسمونه غبوق
.
.
.
.
صبـــــــوح

[السلطان]

شرب عصير النياق بالصبح

[بدوي]

طيب عطنا كلمه انت وراصك

مهايطي

[السلطان]

سوالفه واجد ويكبرها




فلاع

[بدوي]

فلاع = نصاب = كذاب ..راعي صواريخ ارض ارض وارض جو وجو جو

بكاش

[السلطان]

سما سما


ترى بأصنك

[بدوي]

ترى بصنك <<< وش السالفه السلطان انت وراصك من وين تجيب هالكلمات

نلعب بلوت انت وخشمك

ترى بصنك على ما اعتقد = ترى بعطيك طراق او مخمس او كف على عينك


اخبر امي كانت تقول

تراك جبت لي الصمرقع

ما معنى الصمرقع

[جـــــــوري]

الصمـرقع .. يعني ..

رجيت راسي .. صداع ... ازعاج ..
.
.
.
معنى ...

زرابيل ...

[السلطان]

اعتقد انها اللي يحطون فيها التمر والأكل من خوص

[حنييييين الشوق]

هلاااا والله :: إحساااس ::

تسلمين على اللعبه الحلوة والممفيده
يعني راااح نفهم بعض المصطلحااات المتداااوله عندنا في دول الخليج




عجبتني الصمرقع لأني دوم اقولها
طيب وين كلمتك يالسلطااان

[السلطان]

نشــبه

[حنييييين الشوق]

لزقه = نشبه






حنَااان

[بدوي]

حنان = طيبه ورقّه واحساس مرهف


مشفوح

[أم وضحــى]

بدوي حنين ما تقصد حنان فيه شده على النون


حنَااان = يزن ياكل المخ


مشفوح = نهم او كثير الاكل ( والله اعلم )


زمران

[السلطان]

نافخ حاله .. على فشوش

[بدوي]

طيب حط كلمه انت وراصك

عبيط

[السلطان]

غير مبالي . .



عيَار

[مرير الشوق]

ما يعطي الناس حقهم مماطل ....



وعن ( مشفوح = نهم او كثير الاكل ( والله اعلم ) )


نسميه ( مشحوف ) وبنفس المعنى


ملقوف

[السلطان]

يتدخل في مالا يعنيه




عله

[إحســـــــاس]

يعني عله ... غثه ... مرض ..

شي زي كذا ..
..
..
..
..
لا تهايط ..

هياااااااط

[السلطان]

مكابر بالسوالف بالعلوم يعني بكاش




خشف

[بدوي]

جميل

خلفه(بكسر الخااء)

[GALAXY]

غير الفطره يعني عاهه



امحق

[السلطان]

مو زين



شرهه

[بدوي]

هديه ليش ودك تشرّهنا سلطينو

عوبا

[السلطان]

مافيها حيا





الهناه

[بدوي]

المتسلطه

عالهوون

[مرير الشوق]

على مهل ...






دبكه !! ؟؟

[إحســـــــاس]

اظنها الرقصه ... :poster_kewlpics[1]:
.
.
.
مهايطي ....

[مرير الشوق]

الذي يقول مالا يفعل ( كثير الكلام قليل الفعل )






عيطموس

[إحســـــــاس]

عيطموس ؟؟

:disgust1[1]:

[مرير الشوق]

:yeah[1]:



عيطموس ؟؟

[السلطان]

ما ادري

[روح البداوهـ]

البنت الجميله والله اعلم <<<<الفاتنه



الحشاشيه

[الفيصل]

نوع من انواع الطيور

مبلتع

[آهات]

جرئ


متيوح

[الفيصل]

يمكن المتين يعني نعمان

حوراء